有感而發

過去兩星期我真係好需要休息，為咗放鬆個腦就想打吓機，而且打機開台總有啲觀眾同我吹吓水，其實係有嘢煩或唔開心要逃避吓，打機 & 睇人打機都係想開心啫，所以就算我有自己嘅煩惱... 都盡量唔想開台時放負能量，但有位觀眾分享自己嘅煩惱甚至講求生慾望低，真係嚇親我！我唔想有觀眾會做任何傻事，明明自己係有事煩惱緊，都要去聆聽&安慰返個觀眾，收台後我諗返自己鼓勵別人嘅說話，其實都係可以提醒返自己嘅，人就係咁得意... 識去安慰人，自己唔識安慰自己咁🤔

唔駛點樣好撚偉大做啲乜嘢嘅，簡單互相聆聽、安慰 & 鼓勵，人與人之間就係透過分享&溝通... 生命影響生命。

可能因為個位觀眾嘅負能量都影響到我，所以去到前晚我打機開台時，再掩蓋唔到自己覺得「攰」，但啲觀眾都肯睇我台仲吹吓水，俾到我感覺上大家好似朋友咁，係我打機開台呢個小世界做到自己，堅持 LALOfm 呢個台係純粹單純打機，啱 channel 嘅觀眾自然會留低，我對於留得低係我台嘅觀眾，都視為 好機友 架~ 多謝你哋🥰

2020 July 27 @ HKT 04:21